Música e Alzhéimer

O luns 21 é o día do Alzhéimer e na Fundación Maragall atopamos un artigo que fala dos beneficios da música para persoas con Azhéimer.

Melodías para conectarnos

A música capta con facilidade a nosa atención: en canto hai música no ambiente o cerebro estimúlase. Esta activación é moito máis complexa que a da fala por exemplo, e implican diferentes rexións cerebrais: a música estimula, relaxa, calma a dor, pero tamén ten a capacidade de aumentar a plasticidade do cerebro.

A música activa áreas moito máis grandes do cerebro e chama aos dous hemisferios. Como resultado, as áreas que sufriron danos importantes pola enfermidade de Alzhéimer poden ser compensadas por outras que se conservan.Isto axuda aos pacientes a lembrar melodías antigas, pero o que é aínda máis sorprendente para os investigadores, a exposición á música permite aos pacientes activar habilidades de aprendizaxe que semellaban perdidas.

Escoitar música aporta unha sensación de benestar e ten un efecto estimulante. Facelo en compañía ademáis ten un efecto positivo emocional inmediato que mellora a súa calidade de vida.

Dende a Fundación invítannos a escoitar cancións coas persoas con Alzhéimer e fan 20 recomendacións para lembrar. Nós xa estamos a facer a nosa lista!

Deixa unha resposta