Lenda: humanidade, rehabilitación e arte

A Asociación  Lenda de Saúde Mental cumpre 25 anos (1995-2020) e celebrámolo xerando novos proxectos  e abrindo novos camiños.

Estamos a realizar desde xuño de 2020  un taller de Innovación en Rehabilitación. Trátase dun taller de Terapia Ocupacional e Pintura Mural onde se fusiona a estimulación e rehabilitación psicosocial coa arte mural. Acompañounos neste proxecto creativo a Terapeuta ocupacional   María Romero.

Todas e todos os que participamos experimentamos o rol de Artista.

Seguimos paso a paso  un proceso creativo, igual que o que segue calquera artista; a  ideación dunha obra artística, a execución da obra e a súa difusión pública.

O traballo de  ideación das obras foi moi interesante, puidemos buscar dentro de nós  mesm@s os nosos intereses e inquedanzas e  compartilas cos nos@s compañeir@s.

Escoitamos as opinións e ideas d@s demais e escollemos  unha idea entre todas as propostas presentadas. Traballamos e atopamos un criterio común significativo para tod@s.

Este criterio común ás 4 pinturas murais é a cultura e arte galego.

Buscamos e escollemos imaxes de pintores galegos, como Lodeiro, Lugrís e Granell. Para incluír todas as opinións, fixemos unha nova versión e modificamos  as obras destes autores. A partir da adaptación dalgúns elementos das obras, como a  cor, o debuxo, engadir ou quitar elementos ou fusionar elementos de varias imaxes.

Tamén adaptamos unha imaxe para realizar nas novas instalacións de Servizos Sociais do Concello de Redondela, para darlle unha maior significación. Como o centro está situado na antiga fábrica de Regojo, decidimos que debíamos ilustrar a mulleres na obra que representase o traballo e historia das mulleres de Redondela.

Foi un proceso moi enriquecedor e profundo, onde aprendemos a buscar dentro de nós mesm@s, a practicar a escoita activa d@ outr@, poder chegar a pactos e acordos, darnos conta de que podemos máis do que cremos, facer algo que moit@s non realizaramos antes. Aprendemos técnicas de debuxo, pintura, cor e composición.

Experimentamos e superamos un reto, enchemos de motivación, ilusión, compañeirismo as paredes pintadas, xa que tanto os hábitos de traballo, como de relación grupal foron extraordinarios. Cada unha das persoas que participamos de  Lenda fomos un exemplo de profesionalidade, compañeirismo e creatividade.

Os murais

Título: “O  descubrimento  do futuro”

O primeiro mural que fixemos está no Centro de Rehabilitación Psicosocial e Laboral Lenda e é unha versión dunha pintura de LODEIRO.

Xosé  Telmo Lodeiro  Fernandez foi un pintor  galego nado en  Vigo o 21/10/1930 e finado en  Vigo o 30/09/1996.

Título: ” As  cores  do futuro”

O segundo mural está  situado no Centro Ocupacional Lenda e é unha versión dunha pintura de Urbano Lugrís.

Urbano Lugrís González foi un pintor  galego, nado  na Coruña o 28 de  xaneiro de 1908 e finado en Vigo o 23 de  decembro de 1973.

Título: “Mulleres,  Tecendo esperanza e futuro”

O terceiro  mural están a pintado no Centro de Servizos Sociais de Redondela e  é unha versión dunha pintura de M. Granell .

Mario Fernández Granell foi un pintor e poeta  galego, nado  na Coruña en 1914 e finado en Vigo en 1991

Estamos a piques de comezar un cuarto mural no  Multiusos da Xunqueira de Redondela e é unha versión dunha pintura de U. Lugrís.

Un espazo para a nosa reflexión

Por que escollemos a cultura galega como tema principal de todas as pinturas murais?

“Porque é algo que nos representa e nos  infunde valores e costumes que nos levan ás nosas raíces profundas”  J

“Temos tradicións propias que non poden caer no esquecemento e menos nestes momentos  tan difíciles nos que a enfermidade do COVID-19 paralizou moitos actos culturais. A nosa cultura e valores axúdannos a tirar para adiante” A.D

“En xeral non se lle presta nin dá valor á nosa cultura e é a nosa misión darlle voz. Hai moitas festas e accións culturais que se están perdendo e é importante que lle deamos auxe”  P. B.

“Porque somos galeg@s e @s galeg@s somos mundiais”  J.

“E @s galeg@s unid@s xamais seremos vencid@s”  P. B.

Que consellos lle dariades a outras persoas tras este proceso?

 “Que investiguen o pasado para entender e valorar o seu presente”   J.

“Que traten de facer amigos e compartir a cultura galega“ A.D.

“Nesta época de  pandemia han de buscar outras saídas para seguir sementando valores e cultura” J.

O pase de diapositivas require JavaScript.

2 Replies to “Lenda: humanidade, rehabilitación e arte”

  1. Ha sido un honor y placer ofrecer y acompañaros en este proyecto. Gracias por vuestro ejemplo de superación, flexibilidad y humanidad! María Romero

  2. Enhorabuena por este proyecto,arte e historia se fusionan en vuestras manos. Un abrazo fuerte

Deixa unha resposta