A semana pasada fixemos unha visita á empresa de cultivo de esponxas vexetais LUFFA (feitas a partir dunha planta da familia do cogombro) para uso cosmético. Empresa pioneira en Galicia, é a maior en cultivo, manipulación e transformación de esponxas naturais.
As esponxas, que non se secan correctamente, acumulan oranismos e bacterias e que poden danar a barreira natural da pel e ser foco de infeccións. As esponxas naturais teñen fibra vexetal de alta calidade, manufacturadas na Euro rexión Galicia- Norte de Portugal. O centro de transformación e investigación está situado na vila de Caldas de Reis.
As esponxas de baño e todos os nosos produtos están tratados con agua termal a 43º, que lle dan unha consistencia acaída para a exfoliación tanto en seco como en húmido.
Un produto 100% natural, biodegradable e bo para a pel.
Vantaxes das esponxas de fibra vexetal:
- A súa produción é respectuosa co medio natural
- Non deixa residuos daniños na pel, como as que se fabrican a partir de derivados do petróleo
- A esponxas son cultivadas na terra e con gran aforro enerxético
- Non son esponxas feitas de celulosa (que teñen un proceso de fabricación con alto impacto ambiental)
- Tampouco son esponxas de mar, que se obteñen das partes blandas de esqueletes, se amasan, decoloran e secan ata obter a esponxa mariña que se comercializa. Un proceso custoso e que dana o mar
Usos:
- Elimina as células mortas, facilitando unha LIMPEZA PROFUNDA.
- Reduce o exceso de GRAXA na pel.
- Controla e prevén a aparición de ACNÉ.
- Limita e reduce a aparición de CELULITE.
- Actúa como RELAXANTE MUSCULAR.
- Non deixa ou aporta ningún tipo de residuo DANIÑO na nosa pel ou o noso organismo.
- Estimula a circulación SANGUÍNEA.
- Prevén o ENQUISTAMENTO capilar.
Encantounos a iniciativa, un proxecto 100% sostible. E, logo da nosa visita, tivemos un almorzo e tempo de lecer con baño na Barosa incluído!!!
